Njom, njom, njom.
PS: woid I mid Eich nu teilen, bevors verloren gehd, war irgendwia schod drum, war ganz weid vorn und approved by the Bavarian Ratatouille cat and his 5 stars of hearts American Christophorus:
de Reibn, handgmachd in Spanien, aufm Fischmarkt in Minga kaffd, is der Hamma:
oafach oa Knoffezechan drin reim, oa oda zwoa groasse Tomaten ohne Kerngehäuse einereim, ohne Haud, Oliven und hoibierde Cocktailtomaten eine, wos grod do is, bissal Rosmarinnodln und Thymian groalschneidn, an guadn Feta in de Middn eine, soizn und pfeffan, bissal Chili gloaghackd nach Gusto und Kreida drüba, guads Olivenöl drüba, in vorghoazdn Ofen eine, bei 180 Grod, so 20-25 Minuten, geniessen und de Sauce mid guadm Baguette aussadaucha, fertig is da Lack, megageil, gerne wieder und midm frischn, gschmischdn Salod ah a Hauptgericht, megageil und nua oa Haferl zum obschwoam.
PPS: und ois Hauptgerichd hods Papardelle col ragù di manzo gehm. De Papardelle hamma nu von insana letzten Grand Tour nel paese dove crescono i limoni in Toscana ghobd, hods an da autostrada aufm Hoamweg gehm und mia hamds midgnumma, neben a groassn Schachtel di Baci aus Peruggia.
Hob a Pfund gscheide Rindawade gnumma, Schuida oda Keule gehd ah, derf aba gern a bissal durchwochsn sei, werds miarba und wenns dahischmurgeld, dann kochd de Fetten eh aus und gibd zusätzlichen Gschmoch ans Ragù.
Doads an guadn Roadwein zum Deglacieren eine, koana Angst, wenn undn nochm Abrodn vom Fleisch a bissal Röststoffe se ahgesetzt hamd, bissal aufbassn hoid und ggf. vorm Abrodn vom Sofritto a bissal mehra Olivenöl einedoa, de lösn se dann midm Roadwein, 1-2 Glasl nochananda und dann midm Kochleffe de Ansätze lösn, gemd da Sauce a guade Farb und Gschmagg, hob an Chianti classico Riserva fia 4,99 einedah, a hoibade Flaschn, da Rest hamma drunga, hob I bei Pasta Grannies vo na italienischen Dame aus New York glearnd, ois gsogd hod, if you cannot drink it, don’t cook with it 
.
Wennds koan Pancetta griagds, da is a leichd greichada Speck oda Wammerl ah guad und hob anstelle vo Rindabria a Glasl Rinderfond einedah, gibds grod bei Discounter im Angebot an da Kass und wenn I amoi fia meine Liabsdn koch, dann dua I guads Zeig eine, gibds ah ab und zua im Angebot und wenns dann in da Nochd aufstehn, um de Left Overs vo da Lachsquiche, de I am Joe midbringa woid, vabudzn, wenns songd, Hubert, sauguad, mmmhh und se de Finga schleggan, dann is de as beste Kompliment, wos oam zurgg gehm kennan und dann hods ses glond.
A Dame aus de USA hod leichds Meliern mit a bissal Pfeffa vorm abrond vom Fleisch vorgschlong und des is a guade Idee, wei so as Ragù a bissal vo seiba bind und ja, wenn ma moi koane 3-4 Stund Zeid hod, dann kochds ah innahoib vo 90 Minuten gnuag, dass as Fleisch miarb und gschmaggig is.
Hob 3 adruggde Kerndl Wacholder eineda, a Bouquet garni Rosmarin und seibazong Thymian und a My vom Zimd, den da Joe so gern mog, derf ma ned aussaschmegga, is aba mei Opageheimtipp, fia Rinderragout, Wildgerichte oda a Mousaka oda Tomatensaucen, I mogs.
Chaqu’un à son goût .
Wenns amoi koan Parmesan oder Peccorino leid, dann is a Grana Padano ah sauguad.
PPS: de Reim gibts in groass und gloa, oane scheena ois de andere, unter https://hafenkeramik.de, ganz liabe Buam, und na, griag nix dafia, woids oafach nua teilen.
Hecho a mano y pintado con amor en España, me quito el sombrero.
Gracias y muchos besos e tanti saluti dal cuore dalla Baviera.
🇪🇸🇮🇹🇩🇪🇪🇺😋💪😉😘
