Liabe Frau Bilek,
I kenn nu an Herrn Hirnbeiß, nia vagessn, hob Se leida nia kennalerna und Eana zualosn und vo Eana learna derfn, und desweng hob I ois Homage an Eana Werk ois Künstlerin üba oi de Johr, oiso domois, krass, ziag mein Huad, woass ned, ob I mi des draud häd, de Rubrik auf meine Homepage plaziert, se warnd hoid oiwei a Pfundige, oiwei gwen, und werd, vielleichd ab und zua a bissal grandlig,aba immer guad gmoand a boor Posts ois Aufruaf plazieren, in Eanam Sinne, hoff, Se vazein ma a Hoiwe, soweid I instande bi, ois Denkanstoß, Anregung und Inspiration, moi innezuhalten, ei- und auszuschnaufn, as Hirn einzumschoidn und vielleichd kennan dann ja manche, de do wirklich wos bewegn kennan fia ins oisand zam wos reissn, fia ins oisand rundumadum, damid endlich moi wos weidagehd, wenn mia Gloana – stets guadmiadig bemüht – ned ois aloa stemma kennan.
Ziag mein Huad, hoff, Eana gehds guad, wo ah imma se hand, liabe Griass vo do herund, a bissal muass I nu durchhoidn, weis ma hoid ned oafach gelinde gsogd am Arsch vorbei gehd, aba wenns soweid is, schau ma zam owa und stessn zam mid meim Baba mid na gscheidn, süffigen Mass ah, bring ah an gscheidn Obadzn, Essigknedl und mein legendären Kardoffesalod mid, werd griabig, vasprocha.
🌤️🍻🎩💪😉🤗😘
