War heid moi wieda unterwegs, bei liebevollen Gastgebern aus dem Hohen Norden, de bei ins vorbeikemma hand, auf na gloana „Grand Tour“ fia Hoizknechdbuam, hob Pippi in de Augn ghobd und drenzd, ois I oisand de sauguadn, mit Liebe zubereiteten Mongdratzal ausm Meer seng und brobiern hob derfn.
Baba, hob Di heid gfeiad, häd da gfoin.
I muass numoi hi, hob nette Leidl am Tisch kennalerna derfn, aus Rheinland-Pfalz, Peru, aus den Niederlanden, da Oberpfoiz und hamd Rezepte ausdauschd, vo Lomo Saltado über Cheviche zu Poffertjes.
Baba, häd da ois oida Gastwirt gfoin und dann hob I nu zwoa geile Reim hoamgnumma, bsorg de Gscheng iaz imma, wenn I wos Liabs sieg und dann hob Is dahoam, handgemacht, mid am Bemsel und am gloana Rezeptbiachal, bessa ois de Pressn, wosd as ned scheid durchedrugga kasd, de muassd oafach nua ausschwoam und kassd sogor in Ofen eineschiam, leichd zu reinigen und oa Dekor aus Spanien liaba ois des anderne.
Und de Katz werd wahrscheinlich nu de Gressane hoamdrong, ah wenns dann wieda gschimpft werd.
Danke, dassds fia ins den ganzen Weg owakemma heids und ins auf de Roass midnemds, heids hoid pfundig.
❤️
