Hamd hoid seit Oktoba a bissal rasdn miassn bei mia im Schlofzimma aufm Fenstabredl, wenig Wossa, a bissal keida, fui Ruah, hob mid eana dann gred, Tipp vo na oidn Orchideenhohepriesterinkollegin, fui drüba glesn und learnd, mi um se kimmad und iaz kemman de andan zwoa ah und schiamd gscheid ah.
Gfrei mi hoid a so, hand so liab, und ab und an, wenn I de ganzn greisslign Nachrichdn grod ah nimma dabagg, muass I as Handy oafach amoi wegleng, wei I ah amoi wos Schees seng muass, damid I ah amoi durchschnaufn und dann wieder so SUPER NAN weidakämpfn ka.
Hob de oidn Glosvasn, de I vor fast am Vierteljahrhundert kaffd hob, de I im Keller abgsteid hob, wieda auffezachd, gscheid mit Spüli hoass ausgwoschn, neie, heibraune Pinienrinde kaffd, Hydro hob I fia de Drainage nu ghobd, mi um se kimmad, ned znoss, ned zdrugga, Dunga seiwa agriad, ned zfui, ned zwenig, morgens eigsprüht mit kalkarmen Wossa, ned de Bliadn, hob den oidn Brittafilta dofia wieda aussagruschdld, den Luftbefeuchter agschmissn, de Heizung aufdrahd, wenns keida worn is, meine Wattepads mid eana teild, de Bladdl ohm und obgwischd und sauba gmachd, in da Bodwann lauwarm obduschd, oiwei wieda durch de Glosvasn einegschaud, ob de Wurzln schee grea hand, oamoi oda efda dauchd, gscheid obdrippfeln lossn und in da Middogssun de oidn Plissées owalossn, am Südwestfensta a Challenge.
Hodd se hoid rentiert, dass I so lästig bliem bi, wia is so traurig obbliad auf dem Rollcontainer vorm Lager wartend gseng hob, nervig insistiert und oafach ned nochgehm hob, dass is mid hoam nehma derf.
Woid eigentlich nua zwoa, häd ah de 15,99 pro Stugg Listenpreis zoid, aba da Niederlassungsleiter auf Rücksprache hod gsogd, entweder I nimm drei fia insgesamt 15 Euro oda I griags ned.
Danke, dass me übaredt hamd, de Dritte ah nu mid hoam zum Nehma.
💮🌸🌺🕊️☮️💪😉🤗😘🩷
PS: und ja, werd boid moi streicha und de Fensta budzn, hob mi aba hoid earschd um de Bleame kimman miassn, weis me brauchd hamd.
Hoff, es segds mas noch, stets bemüht.
😉🤗😘
